HOK SENGHOTI ( SUNGGUH / BETUL ) -Lim Swee Tin-

Maghi kito pakat2 hayati sebuoh Sajok Bahaso Kelate Klasik,sajok ni sebuoh nurkilan Anok Cino Kelate.

Acu baco pehe kow dop adik kakok dgn bahaso2,hok dio guno to. . .

HOK SENGHOTI


Laghe tok serupo denge suruh,

Hok comey bakpo duk pakat
kato hudoh,

Saye sohh doh laeng denge
beci,

Jerok mamey tok serupo
denge jerok celagi.

Takot.. ado keno mengeno
denge ketar gegar,

Serupo dahago ado sabit
denge lapar,

Ngiga sebenarnyo ada sabit
denge kemama,

Selok tak dok bezo denge tok
kaba.

Sapo kato buluh tu galoh,

Sapo kato tekeng tu tok
bekekoh,

Naka laeng sikit denge jahat,

Dawa pun oghe duk pangge
krawak.

Kalu tunggo tok serupo turuh
pagar,

Sengotilah tolo tok srupo
denge panda,

Lagu mana gadoh, belah tu
jugoklah lorat,

Toksohlah wak loloq tok
kena hok mano dakak Hok
mano krabak.

Demey tok keboh bezo denge
leloh,

Senyung semeweh tok serupo
denge sengeh,

Baling tu laen denge kipah
angin,

Bereng.. abe sikit jah pado
kerah keng.

Kito tok leh wak tok tetu
kalu,

Oghe serabuk ngeleh kito tok
tahu,

Kito duk ralit berembah badi
cah keting,

Oghe laeng gi seruh-serah..
Kito duk pakat reboh
teguling.

Ulat kekek jange wi tuka
denge ulat belucah,

Jale bejeket jange kato srupo
denge hungga derah,

Kalu karak buleh lagi kito
peteri,

Hok gelonggong lagu mano
pakat kato tokleh nok isi?

Payoh sengoti nok bekecek
nok bekiro,

Culah lagu laeng tok srupo
denge celiko,

Payoh jugk nok bezo mano
lakoney mano sandiwaro,

Hok sengotinyo, manih leting
tu belung tetu ibu gulo!


-Lim Swee Tin-

P/S : kalu dop pehe gak malu la kow kaum cino kelate

Sumber :  Тhє kєlαтє sтαтє